सिन्धुली – मरिण गाउँपालिकामा कार र बोलेरो ठोक्किएर दुर्घटना हुँदा एक ७६ बर्षिया वृद्ध महिलाको मृत्यु भएको छ । सिन्धुलीको मरिण गाउँपालिका वडा नम्बर ७ देउजोरका बुद्धलक्ष्मी श्रेष्ठको मृत्यु भएको हो ।
मरिण गाउँपालिका वडा नम्बर ७ देउजोरमा मदन भण्डारी राजमार्ग अन्तर्गत नारायणगढबाट बिराटनगरतर्फ आउदै गरेको बा ७ च ७५५४ नम्बरको कार र सिन्धुलीबाट हेटौंडातर्फ जाँदै गरेको बा।प्र।०३–००१ च १६२३ नम्बरको बोलेरो एक–आपसमा ठक्कर खाई दुर्घटना भएको हो ।
सडक पेटीमा बसिरहेको बेला कारसँग ठोकिएर पल्टिएको बोलेरोले ठक्कर दिदा श्रेष्ठ गम्भिर घाइते भएकी थिइन् । उपचारको लागि जिल्ला अस्पताल ल्याए पनि डाक्टरले मृत घोषणा गरेको जिल्ला प्रहरी कार्यालय सिन्धुलीका प्रहरी नायव उपरीक्षक अनिल खड्काले जानकारी दिए ।
