सिन्धुली- सिन्धुलीको भिमानमा भिमान कप २०८१ को पहिलो संस्करण हुने भएको छ । एकतिस बर्ष माथिका ईच्छुक खेलाडिले सो खेलमा सहभागि हुन पाउनेछन् ।
भिमान युवा क्लबको आयोजना र ९ नम्बर वडा कार्यालयको प्रायोजनमा हुने खेल यहि असोज २० गतेदेखि भिमानको सुविधानगर स्थित खेल मैदानमा हुनेछ ।
विजया दशमी तथा शुभ दिपावली तथा छठ पर्वको अवसरमा आयोजना हुन लागेको खेलमा प्रथम पुरस्कार विसहजार नगद, शिल्ड, मेडल र प्रमाण , द्धितिय पुरस्कार दश हजार नगद, शिल्ड ,मेडल र प्रमाण पत्र, त्यसैगरि सार्वाधिक गोलकर्तालाई कप, मेडल र प्रमाण पत्र ,उत्कृष्ट गोल रक्षकलाई कप मेडल र प्रमाण पत्र र उत्कृष्ट खेलाडिलाई कप , मेडल र प्रमाण पत्र दिईनेछ ।
भिमान कप २०८१ को पहिलो संस्करणमा सहभागि हुन चाहाने टिमले यहि असोज १ गते देखि असोज ७ गते सम्म टिम दर्ता गराईसक्नु पर्नेछ ।
दर्ता गराउँदा खेलाडि तथा अफिसियल टिमको सक्कली परिचय पत्र, परिचय पत्रको फाटोकपि र फोटो अनिवार्य पेश गर्नुपर्नेछ । दर्ता शुल्क तीन हजार लाग्ने भिमान युवा क्लबले जनाएको छ ।
