उदयपुर— त्रियुगा नदीमा पौडी खेल्न गएका बेलका नगरपालिका–१ आम्वासीका १३ वर्षीय बालक गत बिहीबारदेखि बेपत्ता भएका छन् ।
जिल्ला प्रहरी कार्यलयका अनुसार बेपत्ता बालक देवनारायण चौधरीका छोरा १३ वर्षीय संविधान चौधरी रहेका हुन् ।
बिहीबार बाख्रा चराउन निस्किएका चौधरी पौडी खेल्न त्रियुगा नदीमा प्रवेश गरेसँगै बेपत्ता भएको जिल्ला प्रहरीले जनाएको छ ।
बेपत्ता चौधरीको शुक्रबारदेखि निरन्तर खोजी कार्य जारी राखे पनि अझै फेला पार्न नसकिएको जिल्ला प्रहरी कार्यलयका सूचना अधिकारी तथा प्रहरी नायब उपरीक्षक हरिनन्दन चौधरीले बताए ।
उनकाे खोजीको लागि सशस्त्र प्रहरी बल सुनसरीको गोताखोर टिमसमेत समावेश भएको छ । बेपत्ता चौधरी चौदण्डी गढी आम्वासीको देवनारायण माविमा कक्षा ९ मा अध्ययनरत थिए ।
