सिन्धुली – केदारमान स्मृति प्रतिष्ठान सिन्धुलीले आज स्मृति सभा कार्यक्रमको आयोजना गरेको छ । स्वर्णिम भविष्य साकोस सिन्धुलीका पूर्व अध्यक्ष रहनुभएका स्वर्गीय श्रेष्ठको सम्झनामा आज स्मृति सभा गरिएको हो ।
स्वर्गीय श्रेष्ठको नाममा सोहि सहकारीले एक लाख रुपैँयाको रकम जम्मा गरि कोष स्थापना गरेको थियो । आज स्वर्गीय श्रेष्ठको तिथिको अवसरमा प्रतिष्ठानले कोषमा जम्मा भएको रकमबाट आएको ब्याज रकमले पन्चकन्या मावि मरिण कुडुलेका पाँच जना विद्यार्थीहरुलाई झोला,कपि, पेन्सील लगाएतका स्टेशनरीका सामाग्री वितरण गरेको छ ।
स्वर्गीय श्रेष्ठ पन्चकन्या मावि मरिण कुडुलेका पूर्व अध्यक्ष समेत हुनुहुन्थ्यो । स्वर्णीम भविष्य साकोसका अध्यक्ष कृष्ण बहादुर श्रेष्ठको अध्यक्षता तथा पन्चकन्या मावि मरिण कुडुलेका प्रअ धनबहादुर स्याङतानको प्रमुख आतिथ्यतामा सम्पन्न भएको स्मृति सभा कार्यक्रममा संरक्षक बल बहादुर श्रेष्ठ, विद्यालयका शिक्षक, शिक्षिका विद्यार्थी लगाएतको सहभागिता रहेको थियो । स्मृति सभा कार्यक्रमको सन्चालन स्वर्णिम भविष्य साकोसका प्रबन्धक मोहन श्रेष्ठले गर्नुभएको थियो ।
