Saturday, July 13, 2024

काठमाडौं र ललितपुरका यी क्षेत्रमा साढे ८ घण्टा लोडसेडिङ हुने

काठमाडौं— काठमाडौं र ललितपुरका विभिन्न क्षेत्रमा शनिबार साढे ८ घण्टा लोडसेडिङ हुने भएको छ ।

टेकु सबस्टेसनमा ट्रान्सफर्मर पुरानै स्वीचगियरमार्फत चार्ज गर्न स्युचाटार के–थ्री ६६ केभी प्रसारण लाइन सटडाउन गर्नुपर्ने भएकाले टेकु तथा के–थ्री सबस्टेसन तथा सो सँग सम्बन्धित स्विचिङ स्टेसनहरूबाट आपूर्ति भइरहेको विद्युत् अवरुद्ध हुने नेपाल विद्युत् प्राधिकरणले जानकारी दिएको छ ।

लप्सीफेदी तथा चाँगुनारायण सबस्टेसन निर्माण आयोजनाद्वारा विद्यमान टेकु सबस्टेसन स्तरोन्नति गरी टेकु स्युचाटार ६६ के.भी.लाइन १३२ के.भी.मा चार्ज गर्नेगरी कार्य भइरहेको छ ।

के–थ्री सबस्टेसन र त्यससँग सम्बन्धित स्विचिङ स्टेसनहरूबाट आपूर्ति भइरहेको रत्नपार्क, कुलेश्वर, पुल्चोक तथा लगनखेल वितरण केन्द्रअन्तर्गत पर्ने फिडरहरूमा शनिबार बिहान १० बजेदेखि साँझ साढे ६ बजेसम्म विद्युत् आपूर्ति अवरुद्ध हुने प्राधिकरणले सूचनामार्फत जानकारी गराएको छ ।

spot_img

Hot Topics

Related Articles