सिन्धुली – सिन्धुलीको सुनकोसी गाउँपालिका ३ बोहोरेटारमा भुसिया कुकुरको टोकाईबाट ९ जना घाईते भएका छन् ।
घाईते हुनेमा वडा नम्बर ३ बोहोरेटारका ९० बर्षीय लेखनाथ दाहाल, ४० बर्षीय लिला कुमारी भुजेल, वडा नम्बर ४ का ४६ बर्षीय सकुन्तला पुलामी, वडा नम्बर ५ का ३५ बर्षीय दिल बहादुर बि।क, रामटार बस्ने ७७ बर्षीय बद्रि भुजेल, सोहि स्थानकी ४२ बर्षीय बिमला दाहाल, दिल्लिमाया खड्का, कटहरे निवासी ९ बर्षीय अनिसा विसुन्के र रामेछाप खाडादेवी गाउँपालिका २ का ५७ बर्षीय राम बहादुर लामा रहेका छन् ।
उनीहरुलाई हिजो सोमबार बाटोमा हिडिरहेको बेला कालो रङको कुकुरले टोकेको थियो । कुकुरको टोकाईबाट घाईते ९ जनालाई स्थानीय प्रधान मेडिकलमा सामान्य उपचार पश्चात थप उपचारका लागी काठमाडौ पठाईंएको प्रहरीले जनाएको छ ।
