सिन्धुली -श्री भवानी माध्यामिक विद्यालय कत्लेशिखर भिमस्थानको ७२ औँ बार्षिक उत्सव तथा अभिभावक दिवस सोमबार सम्पन्न भएको छ ।
विद्यालयलाई चमेना गृहको आवश्यकता भएकाले चमेना गृह सन्चालन गर्न आवश्यक रकम दिने कार्यक्रमका प्रमुख अतिथि संघिय माननीय सांसद श्याम कुमार घिमिरेले प्रतिबद्धता ब्यक्त गर्नु भयो ।
विद्यालयका पूर्व शिक्षक तथा अभिभावक सुर्य कुमार तामाङले विद्यालयको ३१ विघा जग्गा कहाँ छ भनेर खोजिनिति गर्नुभयो । सो जग्गा जसरी पनि ब्यवस्थापन हुनु पर्ने र सो कार्यमा सबै मिलेर सहयोग गर्न समेत जोड दिनु भयो ।
विद्यालयको ७२ औँ बार्षिक उत्सबको अवसरमा विद्यालयको तर्फबाट विद्यार्थीहरुलाई विभिन्न विद्यामा प्रथम, द्धितिय र तृतिय हुने छात्र छात्राहरुलाई सम्मान र पुरस्कार वितरण गरिएको थियो ।
यस बर्ष शिक्षक सम्मानमा लामो समय देखि सोहि विद्यालयमा कार्यरत शिक्षक ज्ञानेन्द्र कुमार कर्णलाई गरिएको छ ।
विद्यालय ब्यवस्थापन समितिका अध्यक्ष चन्द्र दिप कोईलाले विगत १० बर्ष देखि अलपत्र रहेको भवन सम्पन्न भएको र विद्यालयको शैक्षिक, भौतिक, आर्थिक लगाएत सम्पूर्ण सकारात्मक पक्षलाई सहयोग गर्न अपिल गर्नुभयो ।
कार्यक्रममा विभिन्न विद्यालयका प्रधानाध्यापक , समाजसेवि, पूर्व शिक्षक विद्यार्थी, शिक्षा क्षेत्रसंग जोडिएका ब्यक्तीत्वहरु, अभिभावक , विद्यार्थीहरुको उपस्थिति रहेको थियो ।
७२ औँ बार्षिक उत्सव तथा अभिभावक दिवस कार्यक्रमको सन्चालन शिक्षक कुमार पोख्रेल र रघुनाथ कोईरालाले गर्नुभएको थियो ।
