सिन्धुली – सिन्धुलीको सुनकोसी गाउँपालिकाले पशुपंक्षीको निशुल्क औषधी वितरण गरिरहेको छ । गत मंगलबार बाट वितरण गर्न सुरु गरेको गाउँपालिकाले अहिलेसम्म वडा नम्बर १ र २ मा वितरण गरेको छ ।
गाउँपालिकाले घुम्ती शिविर मार्फत वडा नम्बर १ को १ सय ५० र वडा नम्बर २ को ५२ गरि जम्मा २ सय २ जना किसानहरुको पशुपंक्षीका लागी निशुल्क औषधी वितरण गरेको छ ।
गाउँपालिकाका अनुसार अब पुष ३ गते वडा नम्बर ४ को वडा कार्यालय डुडे, ४ गते गाउँपालिकाको कार्यालय रामटारमा, ५ गते वडा नम्बर ६ को कार्यालय खाल्टेमा र ६ गते वडा नम्बर ७ को कार्यालय मझुवामा औषधी वितरण गरिने छ । गाउँपालिकाले बाकी वडाका कृषकलाई घुम्ती शिविरमा उपस्थित भई औषधी लिन अनुरोध पनि गरेको छ ।
