सिन्धुली – सिन्धुलीमा सवारी दुर्घटनामा परि ३५ जना गम्भिर घाइते भएका छन् । चालु आर्थिक वर्षको चार महिनामा सवारी दुर्घटनामा परि ३५ जना गम्भिर घाइते भएका हुन् । घाइते हुनेमा अधिकाशं पुरुष रहेका छन् । साउनमा ७ जना पुरुष, भदौमा ५ पुरुष, ५ महिला, एक बालक, असोजमा ६ पुरुष एक बालिका, कार्तिमा ७ जना पुरुष, २ महिला र एक बालिका गम्भिर घाइते भएका हुन् ।
यस्तै,सवारी दुर्घटनामा ७ जनाको मुत्यृ भएको छ । चालु आर्थिक वर्षको ४ महिनामा सवारी दुर्घटनामा परि ७ जनाले ज्यान गुमाएका हुन् । मृत्यु हुनेमा एक महिला र बाकिँ सबै पुरुष रहेका छन् । भदौ महिनामा एक पुरुष, असोजमा २ पुरुष, एक महिला र कार्तिक महिनामा ३ जना पुरुषको सवारी दुर्घटनामा परि मृत्यु भएको छ ।
सवारी दुर्घटनामा परि १ सय १० जना सामान्य घाइते भएका छन् । साउन महिनामा १२ पुरुष, ६ महिला र १ बालक सवारी दुर्घटनामा परि घाइते भएका छन् । भदौँ महिनामा १४ पुरुष, ५ महिला, १ बालिका, असोजमा २४ पुरुष, ९ महिला, एक बालक र बालिका, कार्तिकमा १५ पुरुष, १२ महिला, ६ बालक र २ बालिका घाइते भएको ट्राफिक प्रहरी कार्यालय सिन्धुलीको तथ्याङमा उल्लेख छ ।
चार महिनाको अवधिमा ७० वटा सवारी दुर्घटना भएको छ । असोज महिनामा सबै भन्दा बढी सवारी दुर्घटना भएको छ । असोज महिनामा मात्रै २४ वटा विभिन्न सवारी दुर्घटनामा परेको प्रहरीले जनाएको छ । साउनमा ९, भदौमा १९ र कार्तिकमा १८ वटा सवारी दुर्घटनामा परेको छ । पछिल्लो समय सडक साँघुरो हुँदै जानु र सवारीको चाप बढ्दै जानुले पनि दुर्घटना बढाएको ट्राफिक प्रमुख जे जङ्ग कार्किले बताउनुभयो । तीव्र गतिमा मोटरसाइकल चलाउने युवा पुस्ता बढी भएकाले मोटरसाइकल बढी दुर्घटना हुने गरेको उहाँको भनाइ छ ।
जिल्ला ट्राफिक प्रहरी कार्यालय सिन्धुलीले सवारी दुर्घटना न्यूनिकरण गर्नका लागि विभिन्न जनचेतना मूलक कार्यक्रम साथै सवारी चेकजाँचमा कडाइ गरिएको उहाँले बताउनुभयो । कार्किका अनुसार जिल्ला हुदै र जिल्ला भित्र चल्ने सवारी साधनको चेकजाँचमा कडाइ गरिएको छ ।
