सिन्धुली -जिल्ला ट्राफिक प्रहरी कार्यालय सिन्धुलीले एक करोड बढी राजस्व संकलन गरेको छ । चालु आर्थिक वर्षको चार महिना अवधिमा कार्यालयले एक करोड २२ लाख ५९ हजार ५ सय राजस्व संकलन गरेको हो । ट्राफिक नियम विपरित चलेका सवारी कारबाहिबाट उक्त राजस्व संकलन भएको जिल्ला ट्राफिक प्रहरी कार्यालय सिन्धुलीका प्रमुख जे जङ्ग कार्किले बताउनुभयो । उहाँका अनुसार सबै भन्दा बढी राजस्व कार्तिक महिनामा संकलन भएको छ ।
कार्तिक महिनामा मात्रै ३५ लाख ८ हजार राजस्व संकलन भएको छ । सबै भन्दा कम राजस्व साउन महिनामा संकलन भएको छ । साउन महिनामा २४ लाख ३१ हजार राजस्व संकलन भएको छ । भदौँमा २९ लाख ३० हजार ५ सय र असोजमा ३० लाख ९० हजार राजस्व संकलन भएको छ ।
ट्राफिक नियम विपरित चलेका बस, ट्रक, जिपकार, अटो, मोटसाइकल लगाएतको कारबाहिबाट उक्त राजस्व संकलन भएको हो । ट्राफिक प्रहरी प्रमुख कार्किका अनुसार सवारीचालक अनुमतिपत्र नलिएका, साथमा आवश्यक कागजात नबोकेका, मादक पदार्थ सेवन गरेका, स्वरुप परिवर्तन, तीव्र गति र क्षमताभन्दा बढी लोड गरी चलाइएका, हेल्मेट, सिटबेल्ट र चालक पोसाक प्रयोग नगरेका सवारी साधनका चालकलाई कारबाही गरिएको हो । सिन्धुली जिल्ला हुदै र जिल्ला भित्र नियम विपरित चल्ने सवारी साधन कारबाहिमा परेका हुन् ।
कति कारबाहिमा परे ?
ट्राफिक नियम विपरित चलेका साढे ११ हजार भन्दा बढी सवारीसाधन कारबाहिमा परेका छन् । चालु आर्थिक वर्षको साउन, भदौ, असोज र कार्तिकमा ११ हजार ७ सय ५० सवारी कारबाहिमा परेका हुन् । साउन महिनामा ट्रक ५ सय १०, बस ३ सय २६, कारजिप, ६१५, ट्याक्टर १ सय ७९, मोटसाइक र स्कुटर ५ सय ९४ र अटो तथा अन्य २ सय ३५ कारबाहिमा परेका छन् ।
भदौ महिनामा ट्रक ४ सय ७२, बस ३ सय ८४, कारजिप ७ सय ९, ट्याक्टर १ सय ९०, मोटसाइकल तथा स्कुटर ६ सय ७४ र अटो तथा अन्य ३ सय २१ कारबाहिमा परेका छन् । असोज महिनामा ट्रक ५ सय ८२, बस ४ सय ९६, कारजिप ८ सय ३, ट्याक्टर १ सय ५३, मोटसाइकल,स्कुटर ७ सय ८३ र अटो तथा अन्य ४ सय ३३ कारबाहिमा परेका छन् । कार्तिक महिनामा ट्रक ४ सय ७५,बस ४ सय ८४, कारजिप १ हजार २ सय ४, ट्याक्टर १ सय २२, मोटसाइकल, स्कुटर ७ सय ३९ र अटो तथा अन्य २ सय ७६ कारबाहिमा परेको ट्राफिक प्रहरी कार्यालय सिन्धुलीको तथ्याङकमा उल्लेख छ ।
दुर्घटना न्यूनिकरणका कार्यक्रम कति भए ?
ट्राफिक प्रहरी कार्यालय सिन्धुलीले दुर्घटना न्यूनिकरण तथा ट्राफिक नियमको पालना गराउनका लागि विभिन्न कार्यक्रम संचालन गरेको छ । चार महिनाको अवधिमा कार्यालयले १ सय ३८ पटक सचेतनाको कार्यक्रम संचालन गरेको छ । साउन महिनामा २० पटक, भदौँमा ४२ पटक, असोज र कार्तिकमा ३८ पटक कार्यक्रम संचालन गरेको छ । सो कार्यक्रमबाट १४ हजार ८ सय ८५ नागरिक प्रत्यक्ष लाभांवित भएका छन् ।
