Thursday, May 30, 2024

नवनिर्वाचित जनप्रतिनिधि खुसि साट्दै

सिन्धुली – यही मङ्सिर ४ गते सम्पन्न प्रतिनिधिसभा तथा प्रदेशसभा सदस्य निर्वाचनमा निर्वाचित जनप्रतिनिधिहरु गाउँ–गाउँमा पुगेर खुसी साट्दै मतदातालाई धन्यवाद दिन थालेका छन् ।

सिन्धुली –१ र २ मा नवनिर्वाचित प्रदेश तथा प्रतिनिधिसभा सांसद घरदैलोमा पुगेर धन्यवाद दिन थालेका हुन् । विजयी उम्मेदवार समयतालिका बनाएरै मतदाताको घर–घरमा पुगेका छन् ।

सिन्धुली–१ बाट निर्वाचित हुनुभएका नेपाली काँग्रेसका श्याम घिमिरे, क्षेत्र नम्बर २ का प्रतिनिधि सभा सदस्या लेखनाथ दाहाल यस्तै प्रदेश तर्फ सिन्धुली १ को प्रदेश १ का मातृका भट्टराई प्रदेश २ का रामकुमार पहाडी यसैगरि सिन्धुली क्षेत्र नम्बर २ को १ मा छेत्रबहादुर बम्जन र २ को २ का गंगा नारायण श्रेष्ठ मतदाताको घर–घरमा धन्यबाद दिँदै पुगिराख्नुभएको छ ।

यो जित जनताको भएको भन्दै धन्यवादसहित उनीहरूको समस्या बुझ्न गाउँगाउँ पुग्न थालेको नर्व निर्वाचित सिन्धुली १ का प्रतिनिधिसभा सदस्य श्याम घिमिरेले बताउनुभयो । उहाँ भन्नुहुन्छ, “हामी भोट माग्न खेतबारीदेखि घरगोठसम्म पुग्यौँ, कामको चटारोको बेला उहाँहरूलाई डिस्टर्ब पनि ग¥यौँ होला, अब उहाँहरूलाई धन्यवादसहित मतदातका समस्या बुझ्न अहिले फेरि गाउँ–गाउँमा पुग्दै छौँ, पहिले मत माग्यौँ, अब उहाँको समस्या के छ माग्छौँ, हामीहरूले सक्ने समाधान गरेरै छाड्छौँ ।” उहाँले निर्वाचनको परिणाम आएदेखि नै आफूहरू मतदातालाई धन्यवाद दिँदै घर–घरमा पुगेको बताउनुभयो ।

spot_img

Hot Topics

Related Articles