सिन्धुली – हरिहरपुरगढी गाउँपालिकालाई अन्तर्राष्ट्रिय स्तरमा चिनाउने प्रतिनिधिसभा क्षेत्र नम्बर २ उम्मेदवार मनोजजंग थापाले प्रतिवद्धता गर्नुभएको छ । विहिबार हरिहरपुरगढी गाउँपालिकामा चुनावी सभालाई सम्बोधन गर्नुहुदै थापाले यस्तो बताउनुभएको हो ।
उहाँले चार वर्ष अगाडि नै हरिहरपुरगढी दरबारलाई युद्ध संग्राहलय बनाउने गुरुयोजना तयार बनाएको बताउनुभयो । “अब हामी छिटै हरिहरपुरगढीको किल्लालाई पर्नुस्थापना गर्ने छौँ, हरिहरपुरगढीमा पर्यटकको घुइचो लाग्नेछ । हरिहरपुरगढीको ऐतिहास,बहादुरिता र गौरब अन्तर्राष्ट्रिय रुपमा चिन्ने छन् ।” उहाँले भन्नुभयो । हरिहरपुरगढीवासीले गर्भका साथ सिर उठाएर हिड्ने वातावरण तय हुने उहाँले बताउनुभयो । हरिहरपुरगढी गाउँपालिकाका नागरिक हो भनेर हामीले गर्भको साथ भन्न सक्ने छौँ । “तपाइको सम्मानपूर्ण जिवन र्फकाउनका लागि हामीलाई मतदान गर्नुहोस् । तपाइको मानप्रतिष्ठा, सम्मान, विकास निर्माण फर्किने छ, राजनितिक विवेद अन्त हुनेछ ।” उहाँले भन्नुभयो ।
राजनितिक विवेदको आधारमा विकास निर्माणलाई भेदभाव गर्ने काम बन्द गर्ने थापाले बताउनुभयो । सिन्धुली जिल्लाको विकास निमार्ण लगाएत सबै कुरामा पछाडि परेको क्षेत्र भनेको हरिहरपुरगढी हो । यहाँ राजनितिक आधारमा विकास भएको छ । आफुलाई मत हाल्ने र आफ्नो कार्यकर्ताको क्षेत्रमा विकास भएको देखिन्छ ।
यो मदनभण्डारी राजमार्ग बन्नु अगाडि यहाँबाट सदरमुकाम पुग्न पनि समस्या थियो । अहिले पनि क्यानेश्वरका समुदायलाई सदरमुकाम सम्म पुग्न समस्या छ । उहाँले भन्नुभयो । आगामी मंसिर ४ गतेको निर्वाचनमा नेकपा एमालेले विजय प्राप्त गरेपछि गाउँपालिकादेखि सदरमुकामसम्म आउने सम्पूर्ण सडक कालोपत्रे गर्ने थापाले प्रतिवद्धता गर्नुभएको छ ।
हरिहरपुरगढी गाउँपालिकावासीको हातहात मोबाइल भएपनि उपयोग गर्न नपाएको उहाँले बताउनुभयो । “सुचनासंचारको क्षेत्रमा हाम्रो हातहातमा मोबाइल छ । यो विज्ञान प्रविधिले दिएको उपहार हामीले निर्वाह रुपमा यसको उपयोग गर्न पाएका छौँनौँ ।
हामीसँग मोबाइल छ तर टावरको अभावको कारण सुचना प्राप्त गर्नबाट बंचित छौँ । यसको अन्त्य गर्न हामी लागि परेका छौँ । बोटनि क्षेत्रमा नेपाल टेलिकमको टावर राखेर समस्याको समाधान गर्ने छौँ ।” उहाँले भन्नुभयो । चुनाव जितेपछि पाँच वर्षमा हरिहरपुरगढीमा दुरसंचारका सबै लाइन उपलब्ध हुनेपनि उहाँले प्रतिवद्धता गर्नुभयो ।
यस्तै, हरिहरपुरगढी गाउँपालिकामा खानेपानीको समस्या समाधान गर्ने पनि थापाले प्रतिवद्धता गर्नुभएको छ । “गाउँपालिकाको माथिल्लो भेगमा धेरै नै खानेपानीको समस्या हरेछ । सो क्षेत्रका नागरिकले खानेपानीको समस्या समाधान गर्न अनुरोध गरेका छन् ।
हामीले जित्यौँ भने गाउँपालिकाको ८ वटै वडामा खानेपानीको समस्या समाधान गर्ने छौँ ।” उहाँले भन्नुभयो । सिंचाइको सुविधाका लागि विषेश योजना बनाएको उहाँले बताउनुभयो । “कृषि उत्पादनलाई पनि प्राथमितामा राखेका छौँ । यहाँ पानी अभावको कारण सोचे अनुसारको उत्पादन हुन सकेको छौँ । त्यसैले सिंचाइलाई पहिलो प्राथमितामा राखेर हरिहरपुरगढीलाई हराबरा बनाउने छौँ ।” उहाँले भन्नुभयो । सिंचाइको अभावका सयौँ हेक्टर खेतियोग्य जमिन बाझो रहेको छ ।
यस्तै, स्वास्थ्यको क्षेत्रमा गाउँपालिका भित्र राम्रो अस्पताल छैन, विशिषज्ञय चिकित्सक सहितको अस्पताल संचालनका लागि योजना तयार गरेको थापाको भनाइ छ । गाउँपालिकामा विद्यालयहरु धेरै भएपनि राम्रो शिक्षा नभएको उहाँले बताउनुभयो । शिक्षाको गुणस्तर बनाउनका लागि विषेश योजना बनाएको उहाँले बताउनुभयो ।
“हिजो स्थानिय तहको निर्वाचनमा नेपाली काँग्रेसबाट वडाअध्यक्षमा पराजित भएका नेतालाई माओवादीले निर्वाचनका खर्च भएको पचास प्रतिशत दिने र आफुलाई भोट हाल्नुस भन्ने गरेको सनेका छौँ । तपाइ त्यो लोभमा पर्नुहुनेछौँ, अहिले पचास प्रतिशत लिनेमा पछि त्यसको ब्याज सहित सयौँ तिर्नुपर्ने छ । ” उहाँले भन्नुभयो ।
