Thursday, May 30, 2024

सिन्धुलीमा कोरोना संक्रमण दर बढ्दै, नागरिकले स्वास्थ्य मापदण्ड पालना गर्न भुले

सिन्धुली – पछिल्लो समय सिन्धुलीमा कोरोना संक्रमणको दर बढ्न थालेको छ । जिल्लामा दैनिक ५ देखि १० जना सम्मलाई कोरोना संक्रमण भइरहेको छ । गत विहिबार २३ जनाको कोरोना परिक्षण गर्दा ७ जनामा संक्रमण पुष्टि भयो ।

शुक्रबार ५७ जनाको कोरोना परिक्षण गर्दा ९ जनामा संक्रमण पुष्टि भयो । कोरोना संक्रमण हुनेमा अधिकाशं कमलामाई नगरपालिकाको रहेको जिल्ला अस्पतालले जनाएको छ । हाल ३७ जना कोरोना संक्रमित होम आइसोलेसनमा उपचारत रहेका जिल्ला स्वास्थ्य कार्यालय सिन्धुलीले जनाएको छ ।

जिल्लामा हाल सम्म ३ हजार ९ सय ४३ जनामा कोरोना संक्रमण पुष्टि भइसकेको छ । ति मध्ये ३ हजार ८ सय ६१ जना संक्रमण मुक्त भइसकेका छन् भने ४५ जनाको कोरोना संक्रमणको कारण मृत्यु भएकोे छ । जिल्लामा दैनिक कोरोना संक्रमण बढेको भन्दै सरोकारवाला निकायले सचेत हुन आग्रह गरिरहेको छ ।

यस्तै संक्रमण बढेपनि नागरिक लगाएत सरोकारवाला निकायले नै चासो दिएको छैन । दिन प्रतिदिन कोरोना संक्रिमत हुनेको संख्या बढेपनि नागरिक बिना मास्क निर्धक्क हिँड्डुल गरिरहेका छन् । सार्वजनिक स्थल तथा भेला सम्मेलनमा स्वास्थ्य मापदण्ड पालना गर्ने कमै देखिन्छ ।

जिल्ला प्रशासन कार्यालय सिन्धुलीले जिल्लामा पछिल्लो समय कोरोना संक्रमणको दर बढी रहेकाले अनिवार्य स्वास्थ्य मापदण्ड पालना गर्न अनुरोध गरेको छ ।

प्रशासनले एक सुचनामार्फत सम्पूर्ण सर्वसाधनलाई मास्कको अनिवार्य प्रयोग गर्न आग्रह गरेको हो । “सिन्धुली जिल्लामा पनि विगत केही दिनदेखि कोभिड–१९ संक्रमणको दर बढ्दै गइरहेको देखिएको छ।

विगतमा जस्तै फेरी पनि कोभिड–१९ को प्रतिरोध गर्न हामी सवैले एकजुट हुनुपर्ने देखिएको छ ।” सुचनामा भनिएको छ । संक्रमणको जोखिम कम गर्न तथा आफू र आफ्नो समाजलाई सुरक्षित गर्न खोप नलगाएका वा छुट भएका व्यक्तिहरुले खोप लगाउन समेत अनुरोध गरेको छ ।

यस्तै भिडभाडमा जाँदा मास्कको प्रयोग गर्ने, सेनिटाइजर, दुरी कायम गर्ने जस्ता न्यूनतम स्वास्थ्य मापदण्डको पुर्ण पालना गर्न सुचनामार्फत अनुरोध गरेको छ । “कार्यालयमा सेवा लिन आउनुभएका सेवाग्राहीहरुलाई कोभिड–१९ सम्बन्धमा व्यक्तिगत र सामुदायीकस्तरमा अपनाउनुपर्ने सतर्कताका वारेमा सचेतना सहित मास्क वितरण गरिएको छ ।

संक्रमणको जोखिम कम नहुँदा सम्मका लागि यस कार्यालयमा मास्क अनिवार्य गरिएको हुँदा मास्क लगाएर मात्र प्रवेश गर्नहुन समेत सवैमा जानकारी गराइएको छ ।” सुचनमा उल्लेख गरिएको छ । कोरोना संक्रमणको बढेकाले स्वास्थ्य मापदण्ड पालना गर्नुपर्ने चिकित्सक बताउछन् । “कोरोनो जोखिम छ ।

स्वास्थ्य मापदण्ड पुर्ण रुपमा पालना गर्नु पर्छ । नागरिक आफै सचेत हुन जरुरी छ । यस्तै भिड,भेला, कार्यक्रममा स्वास्थ्य मापदण्ड पालना भएन भने कोरोनाको दर झनै बढ्ने सम्भावना छ ।” एक स्वास्थ्यकर्मीले भन्नुभयो ।

जिल्ला स्वास्थ्य कार्यालय सिन्धुलीले भिडभाड नगर्ने, मास्क अनिवार्य प्रयोग गर्न साथै स्वास्थ्य मापदण्ड पालना गर्न नागरिकलाई सचेत गराइरहेको जनाएको छ ।

spot_img

Hot Topics

Related Articles