सिन्धुली- सिन्धुलीको हरिहरपुरगढी गाउँपालिकामा बृहत पोषण प्याकेज क्षमता अभिबृद्धि तालिम सुरु भएको छ । गाउँपालिकाका अध्यक्ष बज्रध्वज वाईबाको अध्यक्षतामा बाट आज ६ दिने तालिम सुरु भएको हो ।
गाउँपालिका भित्रका बिभिन्न स्वास्थ्य संस्थामा कार्यरत स्वास्थ्यकर्मीहरुलाई लक्षित गरेर उनीहरुको क्षमता अभिबृद्धि गर्ने उदेश्यले तालिमको आयोजना गरिएको गाउँपालिकाका स्वास्थ्य शाखा संयोजक राजेश्वर शाहले जानकारी दिनु भयो ।
असार १७ गतेसम्म संचालन हुने तालिममा गाउँपालिका भित्रका २५ जना स्वास्थ्यकर्मीहरुको सहभागीता रहेको छ । तालिमको प्रशिक्षण पोषणविद् निश्चल लामिछानेले गर्नु भएको छ ।
गाउँपालिकाका अध्यक्ष बज्रध्वज वाईबाको अध्यक्षतामा संचालन भएको तालिममा उपाध्यक्ष चेख बहादुर थिङ, प्रमुख प्रशासकीय अधिकृत नविन लामा लगायत गाउँपालिकाका अन्य कर्मचारीहरुको उपस्थिती रहेको थियो ।
