सिन्धुली- सिन्धुलीको तिनपाटन गाउँपालिकाले ५० प्रतिशत अनुदानमा कृषकलाई प्लाष्टिक टनेल बितरण गर्ने भएको छ । गाउँपालिकाको आर्थिक बर्ष २०७८ /७९ को बार्षिक गाउँसभाबाट स्वीकृत तेस्रो चौमासिक कार्यक्रम अन्तर्गत टनेल बितरण गर्न लागेको गाउँपालिकाले मंगलबार एक सुचना निकालेर जानकारी दिएको हो ।
प्लाष्टिक टनेल लिन ईच्छुक कृषक समहु, कुषि फर्म, सहकारीको हकमा टनेल माग गरेको निर्णय, निवेदन, दर्ता प्रमाण पत्र, प्यान नम्बर र करचुक्ता प्रमाणपत्रको प्रतिलिपि, कृषकहरुको हकमा टनेल माग गरेको निवेदन, नागरिकता, लालपुर्जाको फोटोकपी, वडाको सिफारिस र ५० प्रतिशत बराबरको रकम जम्मा गरि असार ८ गते सम्म कृषि प्राबिधिक, कृषि सेवा केन्द्र तथा वडामा सम्पर्क गर्न गाउँपालिकाले सबै कृषकलाई सुचना मार्फत अनुरोध गरेको छ ।
