सिन्धुली–सिन्धुलीका नौ स्थानिय तह बजेट निर्माणमा जुटन थालेका छन् । नवनिवार्चित जनप्रतिनिधि आगामि आर्थिक वर्ष २०७९/८० को बजेट निर्माणका लागि सुझाब संकलनमा ब्यस्त देखिएका छन् । मरिण गाउँपालिकाकाले बजेट निर्माणका लागि सरोकारवालाहरुको सुझाव संकलन गरेको छ ।
गाउँपालिकाले एक औपचारिक कार्यक्रम गरिे आगामि आर्थिक वर्ष २०७९/८० को बजेटका लागि सुझाब संकलन गरेको हो । गाउँपालिका भित्र देखिएका समस्या साथै बजेटले समेट्न सक्ने विषय बस्तुको बारेमा छलफल भएको थियो । कार्यक्रममा गाउँपालिकाका प्रमुख प्रशासकिय अधिकृत ओम कुमार दर्जीले कार्यक्रममा दिएका सल्लाह सुझावलाई गाउँपालिकाले सकरात्मक रुपमा लिएर वार्षिक नीति तथा बजेटमा समावेश गदैँ अगाडी बढ्ने उद्देश्यका साथ कार्यक्रमको आयोजना गरिएको बताउनुभयो ।
वार्षिक तथा नीति कार्यक्रम संविधान, स्थानीय सरकार संचालन ऐन, प्रचलित कानुनको अधिनमा रहेर वार्षिक नीति तथा कार्यक्रम बन्ने दर्जीले बताउनुभयो । गाउँमै उद्यम गर्न चाहाने व्यक्तिलाई गाउँपालिकाले बैंक सहकारीसँग सहकार्य गरी सहुलियत दरमा कर्जा उपलब्ध गराउनु पर्ने सहभागिहरुले बताएका थिए । कार्यक्रममा गाउँपालिकाको प्रमुख, उपप्रमुख, वडा अध्यक्ष, कार्यपालिका सदस्य, विभिन्न राजनितिक दलका जनप्रतिनिधि लगायत निवर्तमान वडा अध्यक्ष, कार्यपालिका सदस्य लगायतको उपस्थिति रहेको थियो ।
यस्तै कमलामाई नगरपालिकाले टोल बस्तिमा पुगेर बजेट निर्माणका लागि सुझाव संकलन गरिरहेको छ । स्थानिय स्तरका नागरिकसँग अन्तक्रिया कार्यक्रमको आयोजना गरि नगरले सुझाव संकलन गरेको हो । नगरपालिकाको १४ वटै वडामा पुगि स्थानियको समस्या साथै बजेट निर्माणका लागि सुझाव संकलन गरेको कमलामाई नगरपालिकाका मेयर उपेन्द्र पोखरेलले बताउनुभयो । उहाँका अनुसार हाल नगरका सबै वडामा सुझाव संकलनका काम भइरहेको छ ।
जिल्लाको हरिहरपुरगढी गाउँपालिकाले पनि बजेट निर्माणका लागि सरोकारवालाहरुसँग सुझाव लिएको छ । एक औचारिक कार्यक्रमको आयोजना गरि गाउँपालिकाकाले बजेट निर्माणका लागि सरोकारवालासँग सुझाव लिएको हो । उक्त कार्यक्रमबाट आएको सुझाव अनुसार बजेट निर्माण हुने गाउँपालिकाले जनाएको छ ।
घ्याङलेख गाउँपालिकाले पनि बजेट निर्माणका लागि सुझाव संकलन गरिरहेको गाउँपालिकाका अध्यक्ष जगत बहादुर भोलनले बताउनुभयो । स्थानिय साथै सरोकारवाला निकायसँग बजेत निर्माणका लागि सुझाव लिरहेको उहाँले बताउनुभयो । तिनपाटन गाउँपालिकाले स्थानिय स्तरका समस्या संकलन गरिरहेको छ । आगामि आर्थिक वर्ष २०७९/८० को बजेट निर्माणका लागि स्थानिय स्तरका समस्याहरु संकलन भइरहेको गाउँपालिकाले जनाएको छ ।
विभिन्न वडा साथै टोलमा औपचारिक कार्यक्रमको आयोजना गरि गाउँपालिकाले सुझाव संकलन गरिरहेको छ । गोलन्जोर गाउँपालिकाले बजेट निर्माणका लागि स्थानियहरुसँग छलफल गरिरहेको छ । वडा,टोल तथा बस्तिमा पुगेर गाउँपालिकाले सुझाव संकलनको काम गरिरहेको छ । जिल्लाको दुधौली नगरपालिका, सुनकोशी गाउँपालिका र फिक्कल गाउँपालिकाले पनि बजेट निर्माणका लागि सुझाव संकलन गरिरहेको जनाएको छ ।
