सिन्धुलीको गोलन्जोर गाउँपालिकामा व्याडमिन्टन प्रतियोगिता सचालन हुने भएको छ । फागुन २३ गते सोमबार देखि २५ गते सम्म व्याडमिन्टन प्रतियोगिता सुरु हुन लागेको गाउँपालिकाले आज एक सुचना निकालेर जानकारी दिएको हो ।
गाउँपालिकाको कार्यालय अन्तर्गत खेलकुद विकास समितिको निर्णय अनुसार प्रतियोगिता सिंगल, डबल र भिट्रान्स गरी तिन तहमा सञ्चालन हुने छ ।
प्रतियोगितामा सिंगल तर्फ प्रथम हुनेलाई १५ हजार, द्धितिय हुनेलाई ७ हजार ५ सय, तृतिय हुनेलाई ५ हजार र डबल तर्फ प्रथम हुनेलाई २० हजार, द्धितिय हुनेलाई १० हजार, तृतिय हुनेलाई ५ हजार सिल्ड मेडल र प्रमाण पत्रको प्रदान गरिने छ ।
यस्तै, भिट्रान्स तर्फ प्रथम हुनेलाई १५ हजार, द्धितिय हुनेलाई ७ हजार ५ सय, तृतिय हुनेलाई ५ हजार सिल्ड मेडल र प्रमाण पत्र प्रदान गरिने छ । प्रतियोगितामा बिजेता हुनेलाई खेल समाप्त भएको भोलिपल्ट २६ गते बिहिबार पुरस्कार प्रदान गरिने सुचनामा उल्लेख गरिएको छ ।
