रुकुम पूर्व – गएको हप्तादेखि हिमपातका कारण बन्द भएको शहीद मार्ग सञ्चालनमा आएको छ ।
रुकुम पूर्वको पुथाउत्तरगङ्गा र भूमे गाउँपालिकाको सिमानामा पर्ने याे सडकको रिका खण्ड सञ्चालनमा आएको हो ।
जिल्ला प्रहरी कार्यालय रुकुम पूर्वका प्रहरी नायब उपरीक्षक गणेशबहादुर श्रेष्ठले बन्द शहीद मार्ग पुनः सञ्चालन आएको जानकारी दिनुभयो ।
बर्सेनि हिमपातका कारण शहीद मार्गको याे खण्डमा सडक अवरुद्ध हुनेगर्छ ।
हिमपातकै कारण बन्द भएको मध्यपहाडी लोकमार्गको लुकुम–पातीहाल्ना खण्ड भने अझै सञ्चालनमा आउन सकेको छैन।
