Thursday, April 18, 2024

हरिहरपुरगढी गाँउपालिकाको ६ वटा सामुदायिक स्वास्थ्य इकाई संचालन

सिन्धुली हरिहरपुरगढी गाउँपालिकाको दुर्गम क्षेत्रमा रहेको सामुदायिक स्वास्थ्य इकाईहरु धमाधम स्थापना हुन थालिएको छ । गाउँपालिकाले दुर्गम क्षेत्रका नागरिकहरुलाई गाउँमै स्वास्थ सेवा उपलब्ध गराउने उद्देश्यले विभिन्न वडाका ६ स्थानमा सामुदायिक स्वास्थ ईकाई स्थापना गर्न लागेको हो ।

गाउँपालिकाका अध्यक्ष कार्साङ लामाका अनुसार अहिले सम्म कुनै पनि सरकारी स्वास्थ्य संस्था नपुगेका दुर्गम क्षेत्रमा पालिकाकै लगानीमा स्वास्थ्य ईकाई स्थापना गर्ने लागेको बताउनु भयोे ।

दुर्गम ठाँउमा घरबस्ती भएकोले गाँउपालिकाको ६ बटा वडामा सामुदायिक स्वास्थ्य इकाई संचालन गर्न लागेको हो । केही स्वास्थ्य ईकाईहरु संचालनमा आईसकेका छन् भने केहीको यसै साताभित्र संचालनमा ल्याउने गरी काम भई रहेको छ ।

अध्यक्ष लामाका अनुसार आदिवासी जनजाती तथा दलित समुदायमा रहेको गाँउपालिकाको दुर्गम क्षेत्रका नागरिकलाई प्राथमिक उपचार सेवा समेत नपाई रहेको अवस्था हुदाँ वडामा स्वास्थ्य इकाई संञ्चालन हुने भएपछि निक्कै राहत मिलेको हरिहरपुरगढी गाउँपालिका वडा नम्बर ५ का स्थानीय कृष्ण मगरले जनाकारी दिनु भयो ।

हरिहरपुरगढी गाउँपलिका १ को चिसापानी, बन्चरे, वडा नं. ३ को कुसदमार, वडा नं. ५ को भलाए, वडा नं. ६ को बेसीटोल , कौवा डाडा र वडा न. ७ को भुताहामा सामुदायिक स्वास्थ ईकाई स्थापना गरि नागरिकलाई स्वास्थ सेवा दिन सुरू गरेको गाउँपालिकाको स्वास्थ शाखा प्रमुख राजेश्वर शाहले बताउनु भयोे ।

सामुदायिक स्वास्थ्य ईकाईमा विशेष गरी नागरिकलाई सामान्य उपचारात्मक सेवा, खोप सेवा, गर्भवती जाँच सेवा, झाडापखाला तथा न्यूमोनिया ,परिवार नियोजन सेवा, स्वास्थ्य सम्वन्धी उपचार हुने ।

साथै क्षयरोग, कुष्ठरोग, औलो, हात्तिपाईले आदिको उपचार सेवा र स्वास्थ्य सम्बन्धि परामर्श तथा सल्लाह लगाएतका सेवा दिईने गरिएको गाउँपालिकाकी उपाध्यक्ष अनिता कुमारी राईले बताउनु भयो ।

हरिहरपुरगढी गाउँपालिका १ का वडाअध्यक्ष कारसाङ घलानको अध्यक्षतामा भएको कार्यक्रममा गाउपालिका अध्यक्ष कारसाङ लामा, उपाध्यक्ष अनिता कुमारी राई, वडा सदस्यहरु, राजनितिक दलका नेताहरुको उपस्थिती रहेको थियो ।

spot_img

Hot Topics

Related Articles