Thursday, April 18, 2024

१ सय ६० हेक्टर जमिनलाई सिंचाई पु¥याउने सिंचाई योजनाको काम अन्तिम चरणमा

कमलामाई नगरपालिका १० र ११ को निर्माणधीन सिंचाइ कुलोको निर्माण कार्य अन्तिम चरणमा पुगेको छ । बागमती प्रदेशको आर्थिक सहयोगमा १ सय ६० हेक्टर जमिनलाई सिंचाई पु¥याउन सुरु भएको सिंचाइ योजनाको काम अन्तिम चरणमा पुगेको हो ।

कमलामाई नगरपालिका ११ को धमिले फाँट सिंचाई योजनाको काम ९० प्रतिशत सम्पन्न भइसकेको बागमती प्रदेशसभा सदस्य विनोद कुमार खड्काले बताउनुभयो । धमिले फाँटको ९० हेक्टर जमिनमा सिंचाइ पुराउने सिंचाइ योजना ०७७ पुष बाट सुरु भएको थियो । यहि कार्तिकमा निर्माण सम्पन्न गरिने गरि धमिले फाँट सिंचाइ योजनाको काम भइरहेको सांसद खड्काले जानकारी दिनुभयो । उहाँका अनुसार प्रदेश सरकार भौतिक पुर्वाधार विकास मन्त्रालय बागमती प्रदेशको कुल ३ करोड १२ लाख ६९ हजार लागतमा धमिले फाँट सिंचाई योजना निर्माण हुने छ । उक्त योजना २९.२४ प्रतिशत भ्याट घटी १ करोड ६० लाख २८ रुपैया ७८ पैसामा सिनामंगल ९ काठमाडौ मैनावली कुवर जे.भी.ले ठेक्कामार्फत निमार्ण गरिरहेको छ । यस्तै, १६ लाख ११ हजार ७ सय ४० रुपैयामा उपभोक्ता समिति मार्फत सिंचाई योजना निमार्ण भएको छ भने, १२ लाख ४ हजार ३ सय १३ रुपैया लागतमा जन सहभागिता मार्फत श्रमदान हुने जनाइएको छ । उक्त योजनाले ९० हेक्टर क्षेत्रफलको बालीमा सिंचाइ हुने र १ सय २७ घरधुरीका ६ सय ५२ नागरिक लाभांवित हुने छन् ।

यस्तै कमलामाई नगरपालिका १० बेलाह सरकारी टोलमा ७० हेक्टर जमिनलाई सिंचाई पु¥याउन सुरु भएको सिचाई आयोजनाको निर्माण कार्य पनि अन्तिम चरणमा पुगेको छ । हाल उक्त आयोजनाको काम लगभग ९५ प्रतिशत सम्पन्न भइसकेको सासंद खड्काले बताउनुभयो । बागमती प्रदेश सरकारको १ करोड ७१ लाख २० हजार ४ सय ३३ रुपैया ९६ पैसा लागतमा बेलाह सरकारी टोलको सिचाई आयोजना निर्माण सम्पन्न हुने उहाँले जानकारी दिनुभयो । उक्त आयोजनाले ७० हेक्टर क्षेत्रफलको बाली र १ सय ८० घरधुरीका ८ सय नागरिक लाभाम्भित हुने छन् ।

आयोजनाको काम १ करोड ७१ लाख २० हजार ४ सय ३३ रुपैया ९६ पैसा लागतमा आत्रय निमार्ण सेवा सिन्धुलीले ठेक्कामार्फत गरेको छ भने १७ लाख लागतको काम उपभोक्ता समिति मार्फत काम भइरहेको छ ।

सासंद खड्काले सिंचाइका योजनाको अनुगमन गरिरहेको बताउनुभयो । निर्माणधीन सिंचाइका योजनामा कुनै कमिकजोरी नदेखिएको उहाँको भनाइ छ । निर्माण व्यवसायीले योजना समयमा निर्माण गर्न बताएको उहाँले बताउनुभयो । साथै उहाँले आफ्नो निवार्चन क्षेत्रमा निर्माण भइरहेका सडक, पुल, खानेपानी, भ्यू टावर लगाएका योजनाको काम तिब्र रुपमा काम भइरहेको जानकारी दिनुभयो ।

spot_img

Hot Topics

Related Articles