Monday, April 22, 2024

सिन्धुलीमा भोली देखि कक्षा १२ को परिक्षामा दिने विद्यार्थीलाई कोरोना भाइरस विरुद्धको खोप लगाइने

सिन्धुलीमा भोली देखि कक्षा १२ को परिक्षा दिने विद्यार्थीलाई कोरोना भाइरस विरुद्धको खोप लगाइने भएको छ । कक्षा १२ को विद्यार्थीलाई प्रवेश पत्रको आधारमा खोप लगाइने स्वास्थ्य कार्यालय सिन्धुलीले जनाएको छ । भोली देखि विद्यार्थीलाई कोरोना भाइरस विरुद्धको एस्ट्राजेनेकाको खोप लगाइने भएको हो । साथै यस अघि कोभिसिल्डको पहिलो मात्रा लगाएका दोस्रो मात्रा लगाउन छुट भएका सबै नागरिकलाई एस्ट्राजेनेकाको खोप लगाइने व्यवस्था मिलाएको स्वास्थ्य कार्यलय सिन्धुलीले जानकारी दिएको छ । कक्षा १२ को परिक्षा दिने सम्पूर्ण विद्यार्थी तथा कोभिसिल्डको पहिलो मात्रा लगाएका सबै नागरिकलाई नजिकको खोप केन्द्रमा खोप लगाउन स्वास्थ्य कार्यलय सिन्धुलीले आग्रह गरेको छ ।

सिन्धुलीमा हाल सम्म ५ हजार ७ सय जनाले कोरोना भाइरस विरुद्धको एस्ट्राजेनेकाको खोप लगाइसकेका छन् भने, १२ हजार ५ सय २९ जनाले जोन्सन एण्ड जोन्सन खोप लगाएका छन् । यस्तै ११ हजार ६ सय २४ जनाले कोभिसिल्डको पहिलो मात्रा खोप लगाएका छन् भने, २ हजार ३ सय ६१ जनाले कोभिसिल्डको दोस्रो मात्रा खोप लगाएका छन् ।

यस्तै, जिल्लामा १८ हजार २ सय २ जनाले कोरोना विरुद्धको भेरोसेल खोपको पहिलो मात्रा लगाएका छन् भने, १५ हजार ३ सय १८ जनाले भेरोसेलको दोस्रो मात्रा लगाएको जिल्ला स्वास्थ्य कार्यालय सिन्धुलीले जानकारी दिएको छ ।

spot_img

Hot Topics

Related Articles