मरिण गाउँपालिकाको विपद व्यवस्थापन कोषमा ३० लाख रुपैयाँ खर्च भएको छ । गत आर्थिक वर्ष २०७७÷०७८ मा विपद व्यवस्थापनमा ३० लाख रुपैयाँ खर्च भएको गाउँपालिकाले जानकारी दिएको छ ।
गाउँपालिकाले आर्थिक वर्ष २०७७÷०७८ मा जग्गा संरक्षण गरे बापतको ८२ हजार खर्च गरेको छ । बाढी, पहिरो पिडित तथा आगोलागि पिडितको लागि आर्थिक सहयोग तर्फ १६ हजार र तारजाली खरिद तर्फ १९ लाख ९८ हजार ९ सय ८३ रुपैयाँ खर्च भएको गाउँपालिकाले बताएको छ ।
यस्तै खानेपानि तथा सिंचाईको लागि पाईप खरिद तर्फ ६ लाख ३ हजार १७ रुपैयाँ र सिन्धुपाल्चोक जिल्लाको हेलम्बु गाउँपालिका र मेलम्चि नगरपालिकालाई सहयोग तर्फ ३ लाख रुपैया गरि जम्मा ३० लाख खर्च भएको मरिण गाउँपालिकाले जानकारी दिएको छ ।
मरिण गाउँपालिकाले गत आर्थिक वर्ष २०७७÷०७८ मा विपद व्यवस्थापनको लागि ३० लाख रुपैयाँ बजेट विनियोजन गरेको थियो । विनियोजन भएको सबै रकम खर्च भएको गाउँपालिकाले जनाएको छ ।
