सिन्धुली – सिन्धुलीमाढिमा आज खुल्ला रक्तदान कार्यक्रमको आयोजना गरिएको छ । राष्ट्रिय युवा संघ नेपाल तथा अखिल नेपाल राष्ट्रिय स्वतन्त्र विद्यार्थी युनियन (अनेरास्ववियु)को स्थापना दिवसको अवसरमा खुल्ला रक्तदान कार्यक्रमको आयोजना गरिएको हो ।
कार्यक्रममा १७ जना पुरुष र ३ जना महिला गरि जम्मा २० जनाले रक्तदान गरेका थिए । कार्यक्रम अनेरास्ववियु नगर कमिटी अध्यक्ष तुलसीराम भुजेलको अध्यक्षता तथा नेकपा एमाले बागमती प्रदेश कमिटी सदस्य पुर्ब मन्त्रि प्रदिप कटुवालको प्रमुख आतिथ्यतामा भएको हो ।
अनेरास्ववियु कमलामाई नगरपालिका कमिटी र राष्ट्रिय युवा संघ नेपाल कमलामाई नगर कमिटीको संयुक्त आयोजना तथा नेपाल रेडक्रस सोसाइटि जिल्ला शाखा सिन्धुलीको प्राबिधिक सहयोगमा रक्तदान कार्यक्रमको आयोजना गरिएको हो । कार्यक्रमको सन्चालन युवा संघ नेपालका कमलामाई नगर कमिटी सचिव श्रबण नेवाःखड्गीले गर्नुभएको थियो ।
