सिन्धुली- गोलन्जोर गाउँपालिकामा पशु ओसारपसार नगर्न आग्रह गरिएको छ । गोलन्जोर गाउँपालिका १ का केहि स्थानमा गाइभैसि र बाख्रामा खोरेत रोगको संक्रमण देखिएकाले गाउँपालिका क्षेत्रभित्र पशुहरु ओसार पसार नगर्न गाउँपालिकाले एक सुचना मार्फ आग्रह गरेको छ । “यस गाउँपालिकाको वडा नं. १ को केही स्थानहरुका गाईभैसी र बाख्राहरुमा उच्च ज्वरो, मुख तथा खुरमा घाउ लगातार मुखबाट र्याल आउने जस्ता लक्षण खोरेत रोग – Foot Mouth Disease_ सँग मिल्दोजुल्दो भएकाले थप पशुहरूमा रोग फैलिन नदिन यस गाउँपालकाको नं. १ को वरिपरी वा गाउँपालिकाको क्षेत्रभित्र र बाहिर कुनै पनि पशुहरुलाई ओसार– पसार नगर्नु नगराउनु हुन जानकारीका लागि अनुरोध छ ।” सुचनामा भनिएको छ ।
