सिन्धुली- जिल्ला प्रहरी कार्यालय सिन्धुलीले लागुऔषध सहित एक जनालाई पक्राउ गरेको छ । विहिबार विपि राजमार्ग अन्तर्गत कमलामाई नगरपालिका ९ चुरेमा चेकजाच गर्ने क्रममा मोटसाइकलको डिकिमा लुकाइछुपाइ ल्याउँदै गरेको लागुऔषध सहित ३४ वर्षिय युवकलाई पक्राउ गरिएको हो ।
बर्दिबासबाट भिमान तर्फ आउँदै BR30X 3548 भारतीय नंम्बरको TVSअपाचे १६० सि.सि.को मोटसाइकलमा सर्लाही त्रिभुवन नगर नगरपालिका वडा नं. २ स्थायी घर भई हाल महोत्तरी गौशला नगरपालिका वडा नं. ८ का ३४वर्षिय शंकर साह कलवारले मोटसाइकलको डिकिमा लुकाइछिपाइ ल्याएको NITRAZEPAM सानो ठुलो गरी जम्मा ३८ पत्तामा ६०० ( छ सय ) पिस ट्याबलेट फेला पारेको जिल्ला प्रहरी कार्यालय सिन्धुलीका प्रहरी नायब उपरिक्षक हरि कृष्ण केसिले बताउनुभयो । उक्त लागुऔषध, मोटसाइकल सहित कलवारलाई पक्राउ गरि अनुसन्धान भइरहेको उहाँले बताउनुभयो ।
