सिन्धुली- सिन्धुलीमा बलात्कार गरेको आरोपमा ४५ वर्षिय पुरुष पक्राउ गरेको छ । दुधौली नगरपालिका १३ की २८ वर्षिय महिलालाई बलात्कार गरेको आरोपमा सोहि स्थानका ४५ वर्षिय तेज बहादुर सुनुवार पक्राउ परेका हुन् ।
पुष १८ गते राती साढे सात बजेको समयमा ति महिलाले सुनुवारसँग लिएको सापटी पैसा रकम बुझाइ फर्किने क्रममा सुनुवार पछी–पछी गइ घर भन्दा करिब ५ सय मिटर दक्षिण बाँस घारी खोल्सी एकान्तमा पारी बलात्कार गरेको महिलाले बयान दिएको प्रहरीले जनाएको छ । ति महिलाले बुधबार प्रहरी कार्यालयमा जाहेरी दिएका थिइन् । जाहेरी प्राप्त भएपछि तत्काल अस्थाई प्रहरी पोष्ट अरुणठाकुरबाट प्रहरी अधिकृत सहितको टोलीले तेज बहादुर सुनुवारलाई पक्राउ गरि जिल्ला प्रहरी कार्यालय सिन्धुलीमा ल्याई थप अनुसन्धान भइरहेको प्रहरीले जनाएको छ ।
