सिन्धुली- जिल्ला प्रहरी कार्यालय सिन्धुलीले बेस्ट पुलिस अप द मन्थ प्रहरी सहायक हवल्दार सन्तोष मुक्तानलाई घोषण गरेको छ । सांगठनिक निति निर्देशन बमोजिम आफुलाई दिएको जिम्मेवारी तथा पदीय दायित्वलाई इमान्दारी, कर्तव्यनिष्ठ एवं प्रशंसनीय ढंगबाट सम्पादन गरेको भन्दै हवल्दार मुक्तान मंसिर महिनाको सर्वात्कृष्ट प्रहरी घोषण हुनुभएको हो ।
हवल्दार मुक्तानले बैँकिङ कसूर मुद्धाका फरार प्रतिवादी ३ जना, सरकारी छाप दस्तखत किर्ते मुद्धाका फरार प्रतिवादी १ जना, बहुविवाह मुद्धाका फरार प्रतिवादी २ जना सहित जम्मा ६ जना फरार प्रतिवादीलाई विभिन्न मितिमा पक्राउ गरि जिल्ला अदालत सिन्धुलीमा दाखिला गराउनु भएको थियो ।
साथै प्रतिनिधि सभा र प्रदेशसभा निर्वाचनलाई बहिस्कार गरौँ भनि निर्वाचन विरोधी पर्चापम्लेट सहित रातो फाइबरको झोलामा बेकि हिडेको अवस्थामा कमलामाई नगरपालिका ४ साङबालेबाट एक जना व्यक्तिको साथबाट २६० थाना पर्चा सहित नियन्त्रणमा लिएको र चुनावी गतिविधि लगायत जिल्लामा भए गरेको गतिविधिलाई सूचना संकलन कार्यमा उल्लेखनिय भूमिका निर्वाह गरेकाले उहाँको कार्य सम्पादनको उच्च मुल्याङकन गर्दै मंसिर महिनाको सर्वाेत्कृष्ट प्रहरी घोषण गरिएको हो ।
