सिन्धुली – सिन्धुलीमा राष्ट्रपति रनिङ्गशिल्ड प्रतियोगिता सन्चालन हुने भएको छ । जिल्लामा यहि पुष २८ गते भित्र राष्ट्रपति रनिङ्गशिल्ड प्रतियोगिता सम्पन्न गर्नुपर्ने भएको हो ।
पुष २८ गते भित्र राष्ट्रपति रनिङ्गशिल्ड प्रतियोगिता सम्पन्न गरि सम्पुर्ण विधामा प्रथम हुने खेलाडिहरुको नामावली यस सिन्धुली जिल्ला खेलकुद विकास समितिमा पठाईदिनहुन हार्दिक अनुरोध गरिएको छ ।
“नेपाल सरकार युवां तथा खेलकुद मन्त्रालय र प्रदेश खेलकुद परिषद, बाग्मती प्रदेशको स्वीकृत कार्यक्रम एवँ निर्णय वमोजिम प्रदेश स्तरिय राष्ट्रपति रनिङ्गशिल्ड प्रतियोगिताका लागी जिल्ला स्तरीय प्रतियोगिता सँचालन गर्नको लागी सबै स्थानिय तहहरुले स्थानिय तह स्तरको राष्ट्रपति रनिङ्गशिल्ड प्रतियोगिता सम्पन्न गरि छनौट भएका खेलाडिहरु सहभागी गराउनुपर्ने भएकोले हुँदा मिति २०७९-९-२८ गते भित्र राष्ट्रपति रनिङ्गशिल्ड प्रतियोगिता सम्पन्न गरि सम्पुर्ण विधामा प्रथम हुने खेलाडिहरुको नामावली यस सिन्धुली जिल्ला खेलकुद विकास समितिमा पठाईदिनहुन हार्दिक अनुरोध छ ।” सुचनामा भनिएको छ । राष्ट्रपति रनिङ्गशिल्ड प्रतियोगितामा एथलेटिक्स, भलिवल, तेक्वान्दो, कराते, कवड्डी, उसु खेल हुनेछन् ।
