सिन्धुली- सिन्धुलीको दुधौली नगरपालिका ६ स्थित श्री शिवशक्ती आधारभुत बिद्यालय ढाडानीको नवनिर्मीत ४ कोठे भवनको बुधबार उद्धघाटन गरिएको छ । सिन्धुली क्षेत्र नं. १ बाट निर्वाचित प्रतिनिधिसभा सदस्य श्याम कुमार घिमिरेले उद्घाटन गर्नुभएको हो ।
भवन २ तलाको ४ कोठे बालमैत्री तथा आपाङ्गमैत्री निर्माण भएको छ । उद्घाटन कार्यक्रमलाई सम्बोधन गर्नुहुदैँ दुधौली नगरपालिकाका नगर प्रमुख दिनेश अधिकारीले दुधौली नगरपालिकामा ७९ वटा बिद्यालय रहेको र सामुदायिक बिद्यालयको शैक्षिक गुणस्तर सुधारको गर्न लागिपर्ने बताउनुभयो । साथै बालबालिकाहरुको चाहना अनुरुप स्थानीय तहले पहल कदमी गर्ने समेत उहाँले प्रतिबद्धता व्यक्त गर्नुभयो ।
