Monday, June 5, 2023

सुनकोशी गाउँपालिकाले सवारी साधनको लगत राख्ने

सिन्धुली – सुनकोशी गाउँपालिकाले पालिका क्षेत्रमा चल्ने सवारी साधनको लगत संकलन गर्ने भएको छ । गाउँपालिकाले एक सुचना जारी गर्दै पालिका क्षेत्र भित्र चल्ने सवारी साधनको लगत राख्ने जनाएको हो । लगत राख्नका लागि गाउँपालिकाले सवारीसाधनको शुल्क समेत तोकेको छ । लगत राखिएका सवारी साधनले बार्षिक रुपमा नविकरण समेत गर्नुपर्ने छ । मोटसाइकल\स्कुटरलाई २० रुपैया, तिनपाङग्रे अटोलाई ५० रुपैया शुल्क तोकेको छ ।

यस्तै, जिप भ्यान तथा अटोलाई २५०, मिनि बस तथा ठुला सवारी साधनलाई १ हजार र ट्रक टिपर तथा हेवी इक्विपमेन्ट १ हजार ५ सय शुल्क तोकेको छ । दर्ता भएको सबै सवारी साधनले वार्षिक रुपमा सोहि शूल्क तिरेर नविकरण गर्नुपर्ने छ ।

गाउँपालिका भित्र कति सवारी साधन चल्छन् भन्ने जानकारी लिनका लागि सवारीसाधनको लगत संकलन गर्न लागेको गाउँपालिकाका प्रमुख प्रशासकिय अधिकृत अर्जुन दर्जीले बताउनुभयो । सवारीसाधनको लगत संकलन भएपछि नियमन गर्न सजिलो हुने उहाँ बताउनुहुन्छ ।

यता स्थानियले भने यसको विरोध गरिरहेका छन् । चर्को पेट्रोलीयम मुल्य र स्थानिय सरकारले सवारीसाधनको शुल्क उठाउने गर्दा जनता मारमा परेको एक स्थानियले बताए । “हामीले वार्षिक रुपमा नेपाल सरकारलाई नविकरण तथा कर भने बुझाउछौँ । फेरि यता स्थानिय सरकारलाई पनि नविकरण शुल्क बुझाउदाँ हामी त धेरै मारमा पर्छाैँ । रोजगारीको ब्यबस्थापन गर्न नसक्ने बेरोजगार जनता माथी आर्थिक भार थप्ने स्थानिय सरकारको यस्तो निर्णय प्रति घोर आपत्ती छ।” उहाँले भन्नुभयो ।

Hot Topics

Related Articles

आउँदो ५ दिन तराई क्षेत्रमा ‘लु’ लाग्न सक्ने मौसम पूर्वानुमान महाशाखाको चेतावनी

काठमाण्डाै – मौसम पूर्वानुमान महाशाखाले देशका तराई भू–भागमा तातो हावा तथा 'लु' लाग्न सक्ने चेतावनी जारी गरेको छ । महाशाखाले...

बिहानैदेखि चर्को घाम, तीन दिनसम्म ठूलो पानी नपर्ने

काठमाण्डौ - काठमाण्डौ उपत्यकासहित देशका धेरै ठाउँमा बिहानैदेखि चर्को घाम लागेको छ । प्रि-मनसुन कमजोर भएसँगै अबको दुई/तीन दिन...

पहाडी क्षेत्रमा बेलुकीपख चट्याङसहित वर्षा र तराईमा हावाहुरीको सम्भावना

काठमाण्डाै - आज पनि पहाडी क्षेत्रमा मेघगर्जन र चट्याङसहित पानी पर्ने सम्भावना रहेको मौसमविद्ले बताएका छन् । तराईका जिल्लामा...