सिन्धुली- जिल्ला प्रहरी कार्यालय सिन्धुलीले लागुऔषध सहित एक वर्षको अवधिमा ६५ जनालाई पक्राउ गरेको छ ।
आर्थिक वर्ष २०७८-७९ मा प्रहरीले जिल्लाको विभिन्न स्थानबाट ६५ जना लागुऔषध विक्रेता र प्रयोगकर्तालाई पक्राउ गरेको हो । एक वर्षको अवधिमा ४९वता लागुऔषधका मुद्धा दर्ता भएका छन् । गत वर्ष लागुऔषध सहित ६० जना पक्राउ परेका थिए ।
यस्तै एक वर्षको अवधिमा जिल्लामा ३ सय ६९ ग्राम ५७ मिलिग्राम ब्राउनसुगर, १५ सय ४१ केजि ४२१ ग्राम गाजाँ, २ हजार ३ सय ४४ टिटि, १० हजार ९ सय ७५ ट्याबलेट, २ सय २१ बोतल झोल पदार्थ प्रहरीले बरामद गरेको छ । गत वर्ष ब्राउनसुगर ३ सय ४९ ग्राम ४सय ४० मिलिग्राम, गाजा १ सय ४३ किलो, टिटि ४ हजार ६८, झोल २ सय ३४ बोतल र ट्याबलेट २ हजार १ सय ६ बरामद गरेको थियो ।
