सिन्धुली – सिन्धुलीको गोलन्जोर गाउँपालिका वडा नम्बर ३ मा वडा स्तरीय पुरुष फुटबल प्रतियोगिता संचालन हुने भएको छ । नवजागरुक युवा सन्जाल तथा वडा नम्बर ३ को आयोजनमा प्रतियोगिता संचालन हुन लागेको हो ।
फुटबल प्रतियोगिता यहि कार्तिक ८ र ९ गते वडा नम्बर ०३ को खेल मैदानमा संचालन हुने वडा नम्बर ३ का वडा अध्यक्ष कृष्ण प्रसाद पोखरेलले जानकारी दिनु भयो । उहाँका अनुसार कार्तिक ७ गते बिहान १० बजेदेखि दिउँसो २ बजेसम्म वडा कार्यालयमा गएर टिम दर्ता गर्न सकिनेछ र टिम दर्ता गर्न एक हजार शुल्क लाग्ने छ ।
प्रतियोगितामा प्रथम हुने टिमलाई खसी, ट्रफी, मेडल र प्रमाणपत्र प्रदान गरिने छ । साथै, द्धितिय र तृतिय हुने टिमलाई ट्रफी, मेडल तथा प्रमाणपत्र प्रदान गरिने छ ।
