सिन्धुली – सिन्धुलीको कमलामाई नगरपालिकाले १६ औ विश्व रेबिज दिवसको अबसरमा निशुल्क रेबिज खोप कार्यक्रम संचालन गरिरहेको छ । हिजो बिहिबार देखि संचालन गरिएको कार्यक्रम असोज १२ गते सम्म संचालन हुने छ ।
कमलामाई नगरपालिकाको पशु बिकास शाखाले हिजो बिहिबार एक सूचना जारी गदै ३ महिना उमेर पुगेका कुकुर र बिरालोलाई निशुल्क रेबिज खोप लगाउँन लागिएको जानकारी दिएको हो ।
खोप कार्यक्रमा सप्ताहव्यापी रुपमा संचालन हुने भएकाले नगरको प्रत्येक वडामा सम्बन्धित वडा कार्यालयको भेटेरीनरी प्राविधिकहरुसंग समन्वयन गरि निशुल्क रेबिज खोप लगाउँन पशु बिकास शाखाले सबैलाई सुचना मार्फत आग्रह गरेको छ ।
