सिन्धुली- सिन्धुलीमा प्रहरीले ३ जना खसी चोरलाई पक्राउ गरेको छ । जिल्ला प्रहरी कार्यालय सिन्धुली र सामुदायिक प्रहरी सेवा केन्द्र सिन्धुलीबाट खटिएको प्रहरी टोलीले शनिबार उनीहरूलाई पक्राउ गरेको हो ।
पक्राउ पर्नेमा कमलामाई नगरपालिका ८ बस्ने २१ बर्षीय सुरेन्द्र घलान, सोही ठाउँमा बस्ने २७ बर्षीय राम बहादुर वाईबा रहेका छन् भने एक जना खसी चोरको नाम भने सार्वजनिक गरिएको छैन ।
जिल्ला प्रहरी कार्यालय सिन्धुलीका अनुसार गत शुक्रबार कनपा ५ सिलामे बस्ने शंकर श्रेष्ठको जंगलमा चराउन लगेको ३ वटा खसीहरु हराएको भनी जानकारी आएपछि खोजतलास गर्ने क्रममा शनिवार सिन्धुलीको खसी बजारमा खसी बेच्दै गरेको अवस्थामा फेला पारी तिनै जनालाई ३ वटा खसि सहित नियन्त्रणमा लिई सिन्धुली जिल्ला अदालतमा पेश गरी ५दिन म्याद थप लिई आबश्यक अनुसन्धान भईरहेको छ ।
