सिन्धुली – सिन्धुलीको तीनपाटन ७ तोश्रामाखोला पतेनीमा करन्ट लागेर ३५ वर्षिय तीर्थ बहादुर श्रेष्ठको मृत्यु भएको छ ।
बाक्सु खोला जलविद्युत आयोजनाबाट सन्चालित विद्युतको बोल ढलेर तार बाटोमा झोल्लीएको ठाउँमा हिजो शुक्रबार बेलुकी करिब ७ बजे बाहुन तिल्पुङबाट घर कालिमाटि तर्फ जाँदै गर्दा श्रेष्ठलाई करेन्ट लागेको थियो ।
स्थानीयको सहयोगमा उपचारका लागि प्राथमिक स्वास्थ्य केन्द्र लाम्पन्टार ल्याउँदै गर्दा बाटौमा श्रेष्ठको मृत्यु भएको हो ।
घटनाबारे बुझ्न आज शनिबार विहान इलाका प्रहरि कार्यालय डकाहाका इन्स्पेक्टर राजेश कुमार वतौलाको टोली घटना स्थल पुगेको थियो । मृतक श्रेष्ठको शव प्राथमिक स्वास्थ्य केन्द्र लाम्पन्टारमा पोष्ट माटम गरिएको छ ।
वर्षातको समयमा तीनपाटनमा धेरै जस्तो ठाउँमा विद्युतको तार झोल्लीएको अवस्थामा रहँदा पनि सम्बन्धीत नियकाले समयमै ध्यान नदिँदा स्थानियले करन्टबाट ज्यान गुमाउने गरेका छन् ।
