सिन्धुली- सिन्धुलीको तीनपाटन गाउँपालिका ११ स्थीत लाम्पन्टार बहुमुखि क्याम्पसमा गोलि चलेको छ । शुक्रबार राति ९ बजेको समयमा स्थानियले गोली चलेको आवाज सुनेपछि प्रहरीलाई खबर गरेका थिए ।
प्रहरीले सो खबर पाएपछि खोजीकार्यमा खटिएको र गोली चलाएको आरोपमा आज शनिबार विहान २ बजे दुई जनालाई पक्राउ गरेर अनुसन्धान गरिरहेको छ ।
पक्राउ पर्नेमा तिनपाटन ११ का राजु धमला र सर्लाहीका एकजना छन् । धमलालेनै गोली पड्काएको प्रहरीको प्रारम्भिक अनुसन्धानबाट खुलेको श्रोतले बतायो । धमला नशामै रहेकोले अनुसन्धानले पुर्णता नपाएको जिल्ला प्रहरी कार्यालय सिन्धुलीले जनाएको छ ।
उनीहरुबाट हतियार भने बरामद नभएको प्रवक्ता लामाले बताउनुभयो । धमलाले किन गोली चलाए त्यो भने खुल्न सकेको छैन । थप अनुसन्धान भइरहेको डिएसपि लामाले जानकारी दिनुभयो ।
