Thursday, June 8, 2023

फिक्कल गाउँपालिकाले सामाजिक सुरक्षा भत्ता वितरणका लागी भुक्तानी शिविर सञ्चालन गर्ने

सिन्धुली – सिन्धुलीको फिक्कल गाउँपालिकाले सामाजिक सुरक्षा भत्ता वितरणका लागी भुक्तानी शिविर सञ्चालन गर्ने भएको छ ।

आर्थिक वर्ष २०७८-७९ मा सामाजिक सुरक्षा भत्ताको चौथो त्रैमासिक किस्ता वापतको रकम लाभग्राहीहरुको खातामा जम्मा भईसकेकोले प्राईम कमर्सियल बैङ्क र गाउँपालिकाको समन्वयनमा ५ वटा वडामा भुक्तानी शिविर सञ्चालन गरि भत्ता वितरण गरिने गाउँपालिकाले शुक्रबार एक सुचना निकालेर जानकारी दिएको हो ।

गाउँपालिकाका अनुसार साउन ९ र १० गते ६ नम्बर वडा कार्यालय रत्नावती, १० र ११ गते १ नम्बर वडा कार्यालय महादेवडाँडा, १५ र १६ गते ३ नम्बर वडा कार्यालय खोलागाउँ, १७ र १८ गते २ नम्बर वडा कार्यालय पोखरी र १९ देखि २२ गतेसम्म ५ नम्बर वडा कार्यालय सोल्पाठानामा सामाजिक सुरक्षा भत्ता वितरणका लागी भुक्तानी शिविर संचालन गरिने भएकाले नागरिकताको प्रतिलिपि तथा बालबालिकाको हकमा जन्मदर्ताको प्रतिलिपि, सामाजिक सुरक्षा भत्ताको परिचयपत्र र हालसालै खिचिएको रंगिन पासपोर्ट साईजको २ प्रति फोटो लिई आफ्नो वडामा उपस्थिति हुन गाउँपालिकाले सबै लाभग्राहीहरुलाई सुचना मार्फत अनुरोध गरेको छ ।

गाउँपालिकाको वडा नम्बर ४ मा भने बैङक नजिकै भएकाले सामाजिक सुरक्षा भत्ता वितरणका लागी भुक्तानी शिविर सञ्चालन नगरिएको सामाजिक सुरक्षा तथा पञ्जीकरण शाखाका एम. आई. एस अपरेटर रमेश बहादुर सार्कीले बताउँनु भयो ।

Hot Topics

Related Articles

आउँदो ५ दिन तराई क्षेत्रमा ‘लु’ लाग्न सक्ने मौसम पूर्वानुमान महाशाखाको चेतावनी

काठमाण्डाै – मौसम पूर्वानुमान महाशाखाले देशका तराई भू–भागमा तातो हावा तथा 'लु' लाग्न सक्ने चेतावनी जारी गरेको छ । महाशाखाले...

बिहानैदेखि चर्को घाम, तीन दिनसम्म ठूलो पानी नपर्ने

काठमाण्डौ - काठमाण्डौ उपत्यकासहित देशका धेरै ठाउँमा बिहानैदेखि चर्को घाम लागेको छ । प्रि-मनसुन कमजोर भएसँगै अबको दुई/तीन दिन...

पहाडी क्षेत्रमा बेलुकीपख चट्याङसहित वर्षा र तराईमा हावाहुरीको सम्भावना

काठमाण्डाै - आज पनि पहाडी क्षेत्रमा मेघगर्जन र चट्याङसहित पानी पर्ने सम्भावना रहेको मौसमविद्ले बताएका छन् । तराईका जिल्लामा...