फिक्कल गाउपालिकाले राष्ट्रिय गानबाट सेवा सुरु गर्दै आएको छ । कर्मचारीहरुलाई समयमै कार्यालय उपस्थित गराई राष्ट्रिय गानको सम्मान एवं राष्ट्रप्रतिको भाव बढाउने उद्देश्य अनुरुप राष्ट्रिय गानबाट सेवा सुरु गर्दै आएको हो ।
कार्यालयमा बिहानको ठिक १० बजे राष्ट्रिय गान बज्ने गरी प्रविधि जडान गरिएको र उक्त समयमा कर्मचारीहरु पनि राष्ट्रिय गानमा सरिक हुनुपर्ने गरी कार्य थालिएको गाउपालिका अध्यक्ष पार्बती सुनुवारले बताउनुभयो ।
जनप्रतिनिधि, कर्मचारी र सेवग्राही सबै राष्ट्रिय गानमा सहभागी हुने गरेको उहाँको भनाई छ । ‘रष्ट्रिय गानबाट सेवा सुरु गर्दा गाउपालिका कार्यालयमा सेवा लिन आउने सेवाग्राही र कर्मचारीहरुमा राष्ट्रप्रतिको भाव बढ्ने,कर्मचारी र सेवाग्राहीहरुमा जहाँ जुन सुकै बेला पनि राष्ट्रप्रति जिम्मेवार बनाउन्छ विश्वास लिएका छौँ,’ उहाले भन्नुभयो ।
नेपाली राष्ट्रिय गाानले राष्ट्रिय एकता र सेवा प्रवाहमा पनि सुधारमा ल्याउने उहाको भनाई छ । गाउपालिका मातहतका सबै कार्यालयमा राष्ट्रिय गानबाट सेवा सुरु गर्ने गरिएको गाउपालिका उपाध्यक्ष राजु बरालले जानकारी दिनुभयो । गाउपालिका कार्यपालिकाले कार्यालयहरुको सेवा राष्ट्रिय गान गायर सुरु गर्ने निर्णय गरिएको उहाले जानकारी दिनुभयो ।
