सिन्धुली- सिन्धुलीको सुनकोसी गाउँपालिकाले आमाबाबु बिहिन बालबालिकालाई भत्ता बितरण गरेको छ । गाउँपालिकाको आर्थिक बर्ष ०७८- ७९ मा प्रदेश सर्शत अनुदान कार्यक्रम अनुसार बाबु आमा बिहिन बालबालिका संरक्षण कार्यक्रम अन्तर्गत छनोटमा परेका १० जनालाई भत्ता बितरण गरेको हो ।
गाउँपालिकाको वडा नम्बर १ का १ जना, वडा नम्बर २, ५, ६ का दुई दुई जना र ७ को ३ जना गरि जम्मा १० जना बालबालिकालाई भत्ता बितरण गरिएको गाउँपालिकाका उपाध्यक्ष कपिल कुमार कोइरालाले बताउँनु भयो । उनीहरुलाई मासिक २ हजारका दरले १२ महिनाको १० जनालाई २ लाख ४० हजार नगद हस्तान्तरण गरिएको गाउँपालिकाले जनाएको छ ।
गाउँपालिकाले पालिका भित्रका १८ बर्ष उमेर पुरा नभएका बाबु आमा दुबैको मृत्यु भएका, दुबै व्यपत्ता भएका र दुबैको संरक्षणबाट बञ्चित भई अन्य ब्यक्तिको संरक्षणमा रहेका बालकबालिकालाई मासिक २ हजारका दरले भत्ता उपलब्ध गराउँदै आएको गाउँपालिकाकी महिला तथा बालबालिका विकास शाखा प्रमुख गायत्री दहालले जानकारी दिनु भयो ।
भत्ता बितरण कार्यक्रममा गाउँपालिकाकी अध्यक्ष दिपा बोहोरा दाहाल, उपाध्यक्ष कपिल कुमार कोइराला लगायतको उपस्थिति रहेको थियो ।
