सिन्धुली- स्थानीय तहमा लैंगिक समानता र सामाजिक समावेशिकरण रणनीति निर्माण सम्बन्धी एक दिवसीय कार्यशाला गोष्ठी मरिण गाउँपालिकामा सम्पन्न भएको छ । प्रदेश सुशासन केन्द्र बागमती प्रदेश जाउलाखेल ललितपुरको सहयोग र गाउँपालिकाको आयोजनामा भएको कार्यक्रम शनिबार सम्पन्न भएको हो ।
गोष्ठिमा लैंगिक विभेद हुन नदिनका लागी के गर्न सकिन्छ, बिभिन्न जातजाती, क्षेत्र, वर्ग, समुदाय, बालबालिका तथा जेष्ठ नागरिकहरुलाई लैंगिक समानता र सामाजिक समावेशिकरण नीतिले राज्यको मुल धारमा ल्याउँन कस्ता कदम चाल्नु पर्छ भनेर छलफल भएको थियो ।
लैंगिक समानता र सामाजिक समावेशिकरण सम्बन्धी नीति यहि आर्थिक बर्षमा बन्ने प्रमुख प्रशासकीय अधिकृत ओम बहादुर दर्जीले बताउँनु भयो ।
कार्यक्रममा गाउँपालिकाका उपाध्यक्ष विमला माझीको अध्यक्षता, अध्यक्ष विमर्स मुक्तानको बिशिष्ट आतिथ्यता भएको कार्यक्रममा प्रमुख प्रशासकीय अधिकृत ओम बहादुर दर्जी लगायत गाउँपालिकाका कर्मचारीहरुको उपस्थिति रहेको थियो ।
