प्रमुख सेनानी स्वर्गीय कविन्द्रजंग थापाको स्मृति छात्रबृति कोषबाट विद्यार्थीलाई छात्रबृत्ति वितरण गरिएको छ । विहिबार एक औपचारिक कार्यक्रमको आयोजना गरि श्री गौमती माध्यमिक विद्यालयका गरिब, बिपन्न, जहेन्दार र उत्कृष्ठ बिद्यार्थीलाई छात्रवृत्ति बितरण गरिएको हो ।
उक्त विद्यालयको कक्षा २,३,४,५,६,७ र ९ का १ ÷ १ जना र कक्षा ८ का २ जना, कक्षा १० का ४ जना गरि जम्मा १३ जना गरिब, विपन्न, जहेन्दार र उत्कृष्ठ विद्यार्थीलाई नगद एक–एक हजार वितरण गरिएको थियो । छात्रवृत्ति बितरण कार्यक्रमलाई सम्बोधन गर्नुहुदै विद्यालय व्यवस्थापन समितिका अध्यक्ष तथा कमलामाई नगरपालिका वडा नम्बर ७ का वडा अध्यक्ष कर्ण धिसिङले स्वर्गीय कविन्द्रजंग थापा सहनशील, मिलनसार रहेको बताउदै उहाँले थापाबाट राम्रो धेरै कुरा सिक्नुपर्ने बताउनुभयो ।
साथै, उहाँले सबै बिद्यार्थीलाई देश, राष्ट्र र जनताका लागी केहि गर्नु पर्छ भन्ने उदेश्यका साथ अगाडी बढ्न आग्रह समेत गर्नुभयो ।
यस्तै, कमलामाई नगरपालिका वडा नम्बर ६ का वडा अध्यक्ष उज्वल थापाले सामुदायिक विद्यालयमा पढेर आफ्नो बिद्यालयको साथै सिङगो समाजको नाम राख्न सकिने स्वर्गीय कविन्द्रजंग थापाबाट प्रमाणित भएको बताउनुभयो । अध्यक्ष थापाले स्वर्गीय थापाजस्तै बन्नका लागी लगनशिल भएर पढ्नु पर्ने भन्दै सबै विद्यार्थीलाई लगनशिल भएर पढ्न अनुरोध गर्नुभयो ।
बिद्यार्थीले विद्यायलबाट नपाएका सुविधा साथै समस्याका विषयमा आवाज उठाउनु पर्ने उहाँले बताउनुभयो । गौमती विद्यालयलाई सिन्धुली जिल्लाकै नमुना सामुदायिक विदुयालय बनाउनका लागी सबै व्यक्तित्वहरुको साथ र सहयोग अपरिहार्य रहेको उहाँको भनाइ छ । वर्द बहादुर गण सिन्धुलीका गणपति विजय थापाले छात्रबृत्ति पाउने गरिब तथा जेहन्दार विद्यार्थीलाई केहि हर्द सम्म सहयोग मिलेको बताउनुभयो ।
