सिन्धुलीको घ्याङलेख गाउँपालिकाको अध्यक्षमा गठबन्धनबाट नेपाली कांग्रेसका जगत बहादुर भोलन र उपाध्यक्षमा नेकपा माओवादी केन्द्रका शंकरमान भोलन विजयी हुनु भएको छ ।
अध्यक्ष पदका उम्मेदवार भोलनले २ हजार १ सय २ मत ल्याई विजयी भएका छन् । उनले निकटतम प्रतिद्वन्द्वी नेकपा एमालेका उम्मेदवार चतुर मान लोलाई ७ सय १९ मतान्तरले पराजित गरेका हुन् । लोले १ हजार ३ सय ८३ मत प्राप्त गरेका थिए ।
यस्तै, गठबन्धन बाटै उपाध्यक्षमा नेकपा माओवादी केन्द्रका उम्मेदवार शंकरमान भोलनले २ हजार ९ सय ८३ मत प्राप्त गरि नेकपा एमालेकी उमेदवार प्रमिला वाईवालाई पराजित गरेका छन् । भोलनले २ हजार ९ सय ८३ मत प्राप्त गर्दा वाईवाले १ हजार ५ सय २८ मत प्राप्त गरेकी थिईन् ।
पालिकाको ५ वटा वडा मध्यै ४ वटा वडामा माओवादी केन्द्रले जित हात पारेको छ । जसमा वडा नम्बर १ का वडा अध्यक्ष पदका उम्मेदवार सोम बहादुर भोलन, २ मा रोशन कुमार भोलन, ४ मा अमृत कुमार वाईबा, ५ मा ज्ञान बहादुर सिजाली रहेका छन् भने वडा नम्बर ३ मा नैकपा एमालेका वडा अध्यक्ष पदका उम्मेदवार निश्चल सुनुवारले जित हासिल गरेको छ ।
