सिन्धुलीमा आज २ जनामा कोरोना भाईरस संक्रमण पुष्टि

सिन्धुलीमा आज २ जनामा कोरोना भाईरस संक्रमण पुष्टि भएको छ । जिल्ला स्वास्थ्य कार्यालय सिन्धुलीका अनुसार पिसिआर र एन्टीजेन्ट गरि १६ जनामा गरिएको स्वाव परिक्षणमा १ जना महिला र १ जना पुरुषमा कोरोना भाईरस संक्रमण पुष्टि भएको हो । आज थपिए संगै जिल्लामा हाल सम्म कोरोना भाईरस संक्रमण पुष्टि हुनेको संख्या ३ हजार ८ सय ६२ पुगेको छ ।यस्तै, हाल होम आईसोलेसनमा ९ जना महिला र ११ जना पुरुष गरि २० जना सक्रिय संक्रमित उपचाररत रहेका छन । जिल्लामा हालसम्म कोरोना भाईरस संक्रमण मुक्त हुनेको संख्या ३ हजार ७ सय ९७ पुगेको छ भने ४५ जनाको ज्यान गएको जिल्ला स्वास्थ्य कार्यालय सिन्धुलीले जानकारी दिएको छ ।