सिन्धुलीको फिक्कल गाउँपालिकामा किशोरीहरुलाई दिईएको आत्मारक्षा तालिम सम्पन्न भएको छ ।
फिक्कल गाउँपालिकाको आर्थिक बर्ष २०७८।०७९ को स्वीकृत वार्षिक वजेट तथा कार्यक्रम अन्तर्गत, गाउँपालिकाको आयोजनामा फागुन ४ गते बाट सुरु भएको ५ दिने तालिम आईतबार सम्पन्न भएको हो ।
आत्मारक्षा तालिममा गाउँपालिकाका १२ वटा माध्यमिक विद्यालयमा अध्ययनरत ३ जनाको छात्राका दरले ३६ जना किशोरीहरुको सहभागिता रहेको थियो । तालिममा बाटोमा हिडिरहेको अबस्थामा कसैले आक्रमण गरेमा के गर्ने, कसरी आफु सुरक्षित रहने, आफ्नो रक्षा कसरी गर्ने भनेर प्रयोगात्मक रुपमा अभ्यास गरेर सिकाईएको थियो ।
अहिलेको समयमा महिला तथा बालबालिकामा माथि यौन दुर्रब्यबहार, यौन हिंसा बढिरहेको छ । त्यस्ता समस्याबाट किशोरीहरुलाई बचाउँनका लागी तालिमको आयोजना गरिएको हो ।
फिक्कल गाउँपालिकामा सन्चालीत ५ दिने आत्मारक्षा तालिम सम्पन्न
