काठमाण्डौ – सेनेगलले पहिलो पटक अफ्रिका कप अफ नेसन्सको उपाधि जितेको छ ।
गएराति क्यामरुनमा भएको फाइनल खेलमा सेनेगलले पेनाल्टी सुट आउटमा इजिप्टलाई हराएको हो ।
निर्धारित समय र अतिरिक्त समय गोलरहित बराबरीमा सकिएपछि खेलको छिनोफानो पेनाल्टीमार्फत भएको थियो ।
पेनाल्टीमा सेनेगल ४–२ गोल अन्तरले विजयी भएको हो । सेनेगलका लागि साडियो माने, बाम्बा डिङ, अब्डोउ डिआलो र कालीडोउ कुलिबालीले एक(एक गोल गरे ।
