Thursday, June 8, 2023

कमलामाई नगरपालिका ५ सिलामेमा रहेको दक्षिणकाली समिल उद्योग संचालनमा

कमलामाई नगरपालिका ५ सिलामेमा रहेको दक्षिणकाली समिल उद्योग संचालनमा आएको छ । गोलिया काठ चिरानको लागि उद्योग संचालन सुरु गरिएको हो । दक्षिणकाली समिल उद्योग कमलामाई नगरपालिका ५ सिन्धुलीको आयोजनामा आज एक कार्यक्रम गर्दै समिल उद्योगको उद्घाटन गरिएको छ ।दक्षिणकाली समिल उद्योगका अध्यक्ष कृष्ण प्रसाद कालाखेतीको अध्यक्षता तथा कमलामाई नगरपालिकाका नगर प्रमुख खड्ग बहादुर खत्रिको प्रमुख आथित्यतामा कार्यक्रम भएको हो ।

५० लाख बराबरको लगानीमा समिल उद्योग निर्माण गरिएको उद्योग संचालक तुला गुरुङले बताउनुभयो । उहाँका अनुसार उक्त समिलमा तालिम प्राप्त ५० जना स्थानिय युवाहरुले रोजगार पाउने भएका छन् ।

कार्यक्रमका प्रमुख अथिति तथा नगर प्रमुख खड्ग बहादुर खत्रिले उद्घाटन कार्यक्रममा बोल्नुहुँदै जिल्लाको वनजगंलमा रहेका पुराना काठहरुको सदुपयोग हुने बताउनुभयो । साथै उहाँले नगरपालिकाबाट गर्नुपर्ने सहयोग जुनसुकै बेला पनि गर्ने प्रतिबद्धता जनाउनुभयो । नगरप्रमुख खत्रिले अब सुकेका काठहरु काम नलाग्ने भन्दै छाड्ने र राम्रा रुखहरुको प्रयोग गर्ने कार्यको अन्त्य हुने भन्दै दक्षिणकाली समिल उद्योग परिवार प्रति धन्यबाद व्यक्त गर्नुभयो ।

कार्यक्रममा विशिष्ट आतिथ्यताको रुपमा कमलामाई नगरपालिका वडा नम्बर ५ का वडा अध्यक्ष पूर्ण बहादुर खत्रि, डिभिजन वन कार्यालय सिन्धुलीका डिभिजनल बन अधिकृत थिर बहादुर कार्की सहभागि हुनुभएको थियो । यस्तै, समाजसेवि तथा युवा नेता सुर्य बहादुर पाख्रिन, कमल पोख्रेल, सामुदायिक उपभोक्ता महासंघ बागमती प्रदेश नेपालका उपाध्यक्ष कृष्ण बहादुर श्रेष्ठको उपस्थिति रहेको थियो ।

Hot Topics

Related Articles

आउँदो ५ दिन तराई क्षेत्रमा ‘लु’ लाग्न सक्ने मौसम पूर्वानुमान महाशाखाको चेतावनी

काठमाण्डाै – मौसम पूर्वानुमान महाशाखाले देशका तराई भू–भागमा तातो हावा तथा 'लु' लाग्न सक्ने चेतावनी जारी गरेको छ । महाशाखाले...

बिहानैदेखि चर्को घाम, तीन दिनसम्म ठूलो पानी नपर्ने

काठमाण्डौ - काठमाण्डौ उपत्यकासहित देशका धेरै ठाउँमा बिहानैदेखि चर्को घाम लागेको छ । प्रि-मनसुन कमजोर भएसँगै अबको दुई/तीन दिन...

पहाडी क्षेत्रमा बेलुकीपख चट्याङसहित वर्षा र तराईमा हावाहुरीको सम्भावना

काठमाण्डाै - आज पनि पहाडी क्षेत्रमा मेघगर्जन र चट्याङसहित पानी पर्ने सम्भावना रहेको मौसमविद्ले बताएका छन् । तराईका जिल्लामा...