सिन्धुली – लागु औषधका प्रतिवादीलाई प्रहरीले पक्राउ गरेको छ । कमलामाई नगरपालिका ६ गैरीबजार बस्ने २२ वर्षीय मदन कार्कीलाई आज प्रहरीले पक्राउ गरेको जिल्ला प्रहरी कार्यालय सिन्धुलीका प्रहरी नायव उपरिक्षक मनोज कुमार लामाले जानकारी दिनुभयो ।
कार्कीलाई लागु औषध नाईट्राभेट मुद्धामा जिल्ला अदालत सिन्धुलीको लगत नम्बर १५०१ को फैसला अनुसार दुई महिना कैद ठहर भएको थियो । फैसलाको कार्यान्वयन नगरी कार्की फरार रहेकोमा खोजतलास गर्ने क्रममा आज कमलामाई नगरपालिका ६ मा फेला पारि पक्राउ गरि जिल्ला प्रहरी कार्यालय ल्याईएको प्रवक्ता लामाले बताउनुभयो । उहाँका अनुसार उक्त प्रतिवादीलाई जिल्ला अदालतले तोकिए बमोजिमको कैद भुक्तानको लागि आजै कारागार कार्यालय सिन्धुलीमा पठाईएको छ ।
