ह्याण्ड्स नेपाल सिन्धुलीको बालबालिकाको सपना परियोजना र कोभिड प्रतिकार्य परियोजनाको पालिका स्तरिय समीक्षा तथा समन्वय बैठक आज सम्पन्न भएको छ ।
बैठकमा गत आर्थिक वर्ष २०७७-०७८ मा कमलामाइ नगरपालिका वडा नम्बर १३ र १४ मा सन्चालन भएको बालबालिकाको सपना परियोजनाको समिक्षा गरिएको थियो ।
यस्तै, आर्थिक वर्ष २०७८-०७९ मा बालबाकिकाको सपना परीयोजना र कोभिड प्रतिकार्य परियोजनामा भएका कृयाकलापहरु प्रस्तुत गरिएको थियो ।
ह्याण्ड्स नेपाल सिन्धुलीको आज बसेको बैठकबाट बालबालिकाको सपना परियोजनाको लागि पालिका स्तरिय दिसानिर्देशन समिति गठन गरिएको छ । बालबालिकाको सपना परियोजना अन्तर्गत भएका कार्य हरुको अवलोन अर्थात के कस्ता कार्यहरु भए भन्ने बारे जानकारी आज गठित समितिले गर्ने गरि समिति गठन गरिएको ह्याण्ड्स नेपाल सिन्धुलीका कार्यक्रम संयोजक प्रमोद तिमल्सिनाले जानकारी दिनुभयो ।
कमलामाइ नगरपालिकाका प्रमुख खड्ग बहादुर खत्रिको संयोजकमा ११ सदस्य समिति गठन गरिएको हो । कमलामाइ नगरपालिका प्रमुख खड्ग बहादुर खत्रिको अध्यक्षतामा बैठक सम्पन्न भएको हो ।
